طريقة عمل المسخن الفلسطيني ( الطريقة الأصلية )

طبعا الكل بيعرف كيف بتستوى الجاجة , طبعا بنستوى الجاجة على النار لمدة نصف ساعة على اكثر تقدير 

المقادير المطلوبة :

أهم اشي طبعا البصل لانو الأكلة بتعتمد على البصل مثلا لو بدنا نعمل 20 وحدة مسخن

بدنا 3 كيلو بصل , بنفرم البصل أول اشي وبنحط في الطنجرة (كل كيلو بصل بدو

4 كاسات زيت زتون ) ,فراشيح الي هوا خبز خاص في المسخن

بنحرك البصل بالزيت وبنحط ملح عشان يستوي بسرعة

بعد ما يستوي البصل بنحط 4 كاسات من مرقة الجاج

وبنحط شوية فلفل اسود (طبعا حسب عدد الأفراد)

هيك بكون خلص البصل

بنجيب اول اشي الفراشيح بنفردهم , وبنصير نحط على كل فرشوحة البصل الى عملناه

وبعدين بنجيب الجاج بعد ما حطناه في الفرن وبنوزع على كل فرشوحة 

صحة وعافية على قلبكم

read more "طريقة عمل المسخن الفلسطيني ( الطريقة الأصلية )"

طريقة عمل الفتة الفلسطينية

المقادير اللازمة :

حبتين بصل , مقدار الأرز (حسب الأفراد) , رقاق , فلفل , ثوم , ليمون , فلفل اسمر

ملح , جاج أو لحمة (حسب الطلب)

طريقة العمل :

أول اشي بتحط الطنجرة على النار عشان نعمل الأرز طبعا نفرض انو بدنا نعمل 

مقدار كاسة كل كاسة بنحط كاستين مياه طبعا بنستوي الأرز وبنغطي عليه 

غالبا بيقعد ثلث ساعة وطبعا بنحط نص كاسة مرقة

بدنا نعمل الجاج اول اشي بنقشر بصلتين وبنحطهم في الطنجرة , بعدين بنحط الجاج

بنخليه 10 دقائق على النار بعدين بنحط مياه وبنحط ملح وورق غار عشان

الجاج يستوي منيح بنسيبه نصف ساعة بالكتير بكون خلص

بنجيب الصنية بنحط فيها الرقاق بنكسروا , بعد كدا بندير مرقة على وجه الصنية ,

وبعد كدا بنحط الارز وبنوزعوا على كل الصينية وبنحط الجاج فوقو وهيك بنكون

خلصنا صحة وعافية يا جماعة

طريقة عمل الدقة :

تومة وملح وقرن فلفل بندقهم مع بعض بعد كدا بنعصر لمونة وبنحطها فوقها

بعد هيك بنحط شوية مرقة

read more "طريقة عمل القتة الفلسطينية ( الطريقة الغزاوية )"