طريقة عمل الملوخية ( الطريقة الفلسطينية الأصيلة ) 

المقادير المطلوبة :

كيلو ملوخية ، فلفل ، تومة ، ملح ، مرقة دجاج

الطريقة :

أول اشي بنجيب الملوخية بنخرطها لما تسير ناعمة بعد هيك بنحط الطنجرة على النار

بنحط الملوخية فيها ، وبنحط المرقة فوقها مع التحريك جيدا وبقوة 

وبنحط معلقو ملح ( حسب الكمية ) وبنضلنا نحركها لحد ما تجمد وتفك

بعد هيك بنوطي عليها شويا لحد ما تفك

بنجيب الطوى بنحطوا على الغاز ، شوية زيت ذرة , وبنحط التومة والفلفل 

بعد ما نحمرهم بنروح نحط التقلية فوق الملوخية وبنحركها لمدة 5 دقائق

وبعدة كدة تقدم ساخنة

صحة وعافية على قلبكوا

read more "طريقة عمل الملوخية ( الطريقة الفلسطينية الأصيلة ) "

طريقة عمل شوربة العدس ( الطريقة الصح الصح الفلسطينية) 

المقادير المطلوبة : 

2 كوب عدس ، بصل وتوم ، ملح ، فلفل اسمر ، زيت ذرة 

طريقة العمل :

بنغسل العدس كويس في المياه ، بعدين بنسلق العدس على النار بعدين بنحطوا في الخلاط لما يصير سائل ، بعدين بنحط الملح وفلفل اسمر ، بنحط في الطنجرة

زيت الذرة وبعدين بنسفحوا مع بصلة ، وبعدين بنحط العدس فوقه وبنسيبوا يغلي

وبس وبعد هيك تقدم للضيوف

صحة وعافية على قلبكوا

read more "طريقة عمل شوربة العدس ( الطريقة الصح الصح الفلسطينية)"

طريقة عمل المنسف ( على الطريقة الفلسطينية)

المقادير المطلوبة :

جميد , لبن رايب (نصف لتر) , أرز , رقاق , طبعا اللحمة , ماجي , سمنة 

الطريقة :

بنحط الجميد في المياه لمدة ساعتين أقل اشي , بنحطوا بالخلاط وبنضيف عليه اللبن

ومكعبين ماجي

هلقيت بدنا نعمل اللحمة طبعا بنسلق اللحمة على النار , بنستنى عليها لحد ما تستوي

بنحط الجميد فوق اللحمة وبسيبوا سوبا على الغاز لحد ما يجمد ويغلي

بعد هيك بنحط الارز على النار, وبنحط معلقة ملح ومعلقة كركم

بعدين بنحط كمية المياه فوق الارز بنسيبوا شويا لحد ما يغلي بنوطي الغاز

وبنغطيه على نار هادية

بنحضر خبز وبنقطعه بنحط عليه سمنة مع اللبن وبعد كدا بنحطو على الارز

نضيف اللحم فوق الارز  وبنحط المكسرات وهيك خلصنا

صحة وعافية على قلبكوا

read more "طريقة عمل المنسف ( على الطريقة الفلسطينية)"

طريقة عمل الصيادية ( الطريقة الغزاوية )

المقادير المطلوبة :

أرز ( حسب الكمية طبعا ارز بسمتي ) , 2 ثوم , معلقتين كمون , بهار السمك

ملح , زيت ذرة , 2 بصل , السمك ( سلفوح ) , 2 ليمون, ماجي

طريقة التحضير :

بنحط السمك بعد اكيد ما انضفوا بنحطوا بالملح واليمون , بهارات السمك

بنخلطهم في بعض عشان يعطي السمك نكهة خاصة

بنقلي البصل بالزيت وبنحط معها الثوم 

بنحط السمك في الطنجرة , وبنحط فوق كمية الأرز , وبنحط حبتين ماجي

وبنحط نصف معلقة ملح , بنستني لحد الأرز ما يستوي

وبعد ذلك يقدم 

صحة وعافية على قلبكوا

read more "طريقة عمل الصيادية ( الطريقة الغزاوية )"

طريقة عمل الكبسة ( الطريقة الفلسطينية الأصيلة )

المقادير المطلوبة :

لحمة او جاج (حسب الطلب) ,أرز بسمتي ( اي نوع اخر) , بهارات الكبسة (موجودة في كل مكان) , ومعلقتين قرفة

حبة بندورة , فلفل أخضر , 3 حبات بصل , شوية مكسرات ( اللوز , زبيب)

طريقة العمل :

بنحمر البصل على نار هادئة في الطنجرة , بعدين بنحط البهارات والبندورة والفلفل بعدين بنضيف مرقة وبنقلبوا 5 دقائق

وبعدين بنحط الارز فوق الخلطة , بعدين بنحط مرقة ( حسب كمية الأرز ) كل كاسة رز كاستين مرقة وبستنا شوية لحد ما الرز يشرب المرقة , بعدين بنغطيه وبنحطوا على نار هادئة لمدة نصف ساعة ( حسب الكمية) لما يستوي

لما يستوي بنحطوا في صينية وبنرش عليه المكسرات ( اللوز , الزبيب) بعدين بحط الجاج على الوجه .

صحة وعافية على قلبكوا

read more "طريقة عمل الكبسة ( الطريقة الفلسطينية الأصيلة )"

طريقة عمل الكيكة بشكل عام

المقادير المطلوبة :

5بيضات , كوبين طحين ,كوبين سكر , كوب زيت ذرة , كوب ونصف حليب

بكم بودر , فانيلا (باكيت واحد )

طريقة العمل :

بنجيب ال 5 بيضات بنخفقوا كويس لما يصير متماسك , بنضيف السكر شويا شويا مع البيض واحنا بنخفق , لما يذوب السكر مع البيض , بنحط بعد هيك زيت الدرة

بنخلط الطحين مع الحليب والفانيلا والبكم بودر مع بعض

بعدين بنخلط الطحين مع الحليب مع كل المكونات بعدين بنحط الخليط

في القالب , عشان يكون جاهز للفرن

بندخلوا الفرن على حرارة متوسطة لمدة نصف ساعة 

بعد ذلك تقدم للضيوف

صحة وعافية على قلبكوا

read more "طريقة عمل الكيكة بشكل عام"

طريقة عمل الكنافة النابلسية ( الطريقة النابسلية )

طبعا الكل بعرف انو الكنافة النابلسية مذاقها رائع

المقادير المطلوبة :

عجينة الكنافة (اي محل حلويات) , كوب سمنة ,نص كيلو جبنة عكاوي

, كاسين ماء , كاسين سكر , معلقة حمض اليمون

طريقة التحضير :

لازم قبل بيوم ما نعمل الكنافة نكون مقطعين الجبنة العكاوي , وكل ساعتين نحط مياه

عشان تصير حلوة

بعدين بنشيل المياه عن الجبنة وبنخلطها في بعض

بنحط السمنة على العجينة وبنقسم العجينة أجزاء صغيرة ( حسب الطلب)

وبعدين بنحط جبنة العكاوي على عجينة الكنافة وبنضغط على القطعة عشان تمسك

هيك بنكون خلصنا الطريقة

بعد هيك بنحطها في الفرن على حرارة مثلا 160 او 180

كل خمسة دقائق بنشوف استوت او لا هيا بالكتير بدها نصف ساعة

وبعد ما تحمرها بنقدما في صحون

صحة وعافية على قلبكو

read more "طريقة عمل الكنافة النابلسية ( الطريقة النابسلية )"